Այսօր Կենտրոնական ընտրական հանձնաժողովի նիստից հետո լրագրողների հետ զրույցում «Հայաստան» դաշինքի կենտրոնական շտաբի պաշտոնական ներկայացուցիչ Արամ Վարդեւանյանը, անդրադառնալով ընտրությունների օրը արձանագրված բռնության դեպքերին, մասնավորապես՝ Օձունի համայնքապետի հետ տեղի ունեցած միջադեպին, ասաց, որ մինչ այսօր որեւէ մեկը ձերբակալված չէ, բայց պրոֆեսոր Չարչյանի դեպքում երեք ժամվա մեջ ձերբակալման որոշում է կայացվել:
Արամ Վարդեւանյանն ասաց, որ հետեւողական են լինելու բոլոր այդ դեպքերին, օգտակար են լինելու, որպեսզի տուժող կողմը պատշաճ իրավաբանական օգնություն ստանա եւ պայքարելու են ապօրինությունների դեմ:
Լուսինե ԲՈՒԴԱՂՅԱՆ
