Տավուշի սահմանամերձ Կոթի համայնքի սահմանի երկայնքով սկսված հրդեհի պատճառը հայտնի չէ, սակայն բացառված չէ, որ հակառակորդի կողմից է արվել։
Մեր զրույցում Կոթի համայնքի ղեկավար Ֆելիքս Մելիքյանը նշեց, որ հրդեհը տարածվել է քամու պատճառով, սակայն նյութական և մարդկային վնասներ չեն եղել.
«Հրդեհը եղել է սահմանի երկայնքով, հրդեհի առաջացման իրական պատճառը բացահայտված չէ, չնայած չի բացառվում, որ հակառակորդի կողմից լինի, սակայն հստակ ոչինչ չկա դեռ, քանի որ հրդեհի բռնկման համար նպաստել է նաև բարձր ջերմաստիճանը և կարող էր գետնին ընկած ապակու կտորից էլ առաջանալ»։
Մելիքյանի խոսքով, հրդեհի արդյունքում այրվել են չոր խոտածածկով չմշակվող տարածքները.
Կարդացեք նաև
«Ճիշտ է՝ ընդգրկված տարածքը մեծ է եղել և այն արագ մարելը հեշտ չի եղել, սակայն բնակիչների և ԱԻՆ -ի օգնությամբ հնարավոր է եղել մարել հրդեհը»։
Մելիքյանի խոսքով՝ ամռան շոգերին չոր խոտածածկով հրդեհներ նախկինում էլ են եղել։
Սաթենիկ ՀՈՎՍԵՓՅԱՆ