Aravot.am-ի ունեցած տեղեկություններով՝ նոր տեղեկություններ են ի հայտ եկել «Իմ քայլը» խմբակցության անդամ, «Հայ առաջադեմ երիտասարդություն» ՀԿ նախագահ Գրիգորի Երիցյանի նկատմամբ ճնշումների իրականացման մասին:
Նշենք, որ դեկտեմբերի 27-ին «Իրազեկ քաղաքացիների միավորում» խորհրդատվական ՀԿ ծրագրերի համակարգող Դանիել Իոաննիսյանի՝ ՀՀ գլխավոր դատախազին հասցեագրված դիմումի հիման վրա ՀՀ ոստիկանությունում իրականացված ստուգողական գործողությունների ընթացքում տեղեկություններ են ստացվել, որ Երևանի ավագանու «Իմ քայլը» խմբակցության քարտուղար Լևոն Հովհաննիսյանը և Երևանի ավագանու «Իմ քայլը» խմբակցության ղեկավար Արմեն Գալջյանը, դեկտեմբերի 16-17-ն ընկած ժամանակահատվածում օգտագործելով իրենց իրական կամ ենթադրյալ ազդեցությունը, պահանջել են Գրիգորի Երիցյանին Երևանի նախկին քաղաքապետ Հայկ Մարությանին պաշտոնանկ անելու նպատակով անցկացվող քվեարկությանը «կողմ» չքվեարկելու դեպքում վայր դնել մանդատը՝ հայտնելով, որ հակառակ պարագայում նրա կողմից ներկայացված բոլոր բարեփոխումների նախաձեռնությունները չեն ընդունվի:
Արդյունքում Գրիգոր Երիցյանը մանդատը վայր դրեց: Նա համաձայն չէր Երևանի նախկին քաղաքապետ Հայկ Մարությանին անվստահություն հայտնելու՝ իշխող ուժի որոշման հետ:
Կարդացեք նաև
Տաթև ՀԱՐՈՒԹՅՈՒՆՅԱՆ
