«Ազատություն». Ազգային ժողովի Պետական-իրավական հարցերի մշտական հանձնաժողովի ՔՊ-ական փոխնախագահ Վահագն Հովակիմյանը չի հերքում, որ հենց ինքն է Կենտրոնական ընտրական հանձնաժողովի նախագահի՝ իշխանության թեկնածուն։
Լրատվամիջոցները գրում են, թե այս հոկտեմբերին պաշտոնին հրաժեշտ տվող՝ ԿԸՀ-ն ավելի քան տասը տարի գլխավորած Տիգրան Մուկուչյանին խորհրդարանը քվեարկությամբ փոխարինելու է Հովակիմյանով։
Վահագն Հովակիմյանը «Ազատության» հետ զրույցում ընդգծեց՝ իշխող խմբակցության իրավասությունն է՝ ում առաջադրել ԿԸՀ նախագահի պաշտոնին։
«Որոշումները կայացնում է խմբակցությունը, խմբակցությունը երբ որոշում կկայացնի, այդ ժամանակ ամեն ինչ պարզ կլինի», – այսպես պատասխանեց Հովակիմյանը հարցին՝ անձնապես հակվա՞ծ է արդյոք ստանձնելու այդ պաշտոնը:
Կարդացեք նաև
Ըստ էության, Վահագն Հովակիմյանը չհերքեց, որ «Քաղաքացիական պայմանագիր» խմբակցությունում քննարկվում է իր թեկնածությունը, և եթե խմբակցությունը նման որոշում կայացնի, դեմ չի լինի ստանձնել այդ պաշտոնը:
Սարգիս ՀԱՐՈՒԹՅՈՒՆՅԱՆ
Նյութն ամբողջությամբ՝ սկզբնաղբյուր կայքում: