Բելառուսի ԱԳՆ-ն պատասխանել է Հայաստանի ԱԳՆ խոսնակ Վահան Հունանյանի այն հայտարարությանը, ըստ որի Բելառուսի նախագահի «հախուռն» հայտարարությունները հարցականի տակ են դնում իր իսկ կողմից ՀԱՊԿ շրջանակներում ստորագրած անդամ-պետության պարտավորությունները: Բելառուսի ԱԳՆ պատասխանում ասվում է.
«Հավատարմությունն իր դաշնակցային պարտավորություններին Բելառուսն իր պատմության ողջ ընթացքում ապացուցում է ոչ թե խոսքով, այլ գործով: Այդ թվում այսօրվա ոչ հեշտ ժամանակներում: Պրոֆեսիոնալ չէ կասկածի տակ դնել այդ ակնհայտ փաստը: Պարկեշտությունը մեր արտաքին քաղաքականության բնութագրիչներից մեկն է: Ուստի հետագայում էլ մեր դաշնակիցներն ու գործընկերները կարող են վստահ լինել մեր հարցում: Եթե մյուս երկրներն էլ իրենց այդպես պահեին, ապա շատ խնդիրներից հնարավոր կլիներ խուսափել:
Միանգամայն հասկանալի է, որ Բելառուսի նախագահի հնչեցրած մոտեցումները կտրված չեն, այլ, ընդհակառակը, արտացոլում են իրականությունը, հասկանալի են և դաշնակցային առումով ազնիվ են: Հենց այդպես բաց, առանց քաղաքական խաղերի և ինտրիգների է պետք քննարկել հարցերը, երբ խոսքը մարդկանց կյանքերի ու ճակատագրերի մասին է:
Գագաթնաժողովին, որը, հաշվի առնելով Հայաստանի շտապողականությունը, կազմակերպվել էր առցանց ռեժիմով, ներկա էր Ն. Վ. Փաշինյանը, որը և տվել է անհրաժեշտ մեկնաբանություններն իր գործընկերներին՝ պետությունների ղեկավարներին: Ինչի՞ համար էր Հայաստանի ԱԳՆ-ի այս ուշացած գնահատականը: Հիշեցնեմ, որ բելառուսական կողմը նախապես հանդես է եկել Ղարաբաղյան հակամարտության խաղաղ հանգուցալուծման օգտին՝ դրա համար ներդնելով զգալի ջանքեր բոլոր հնարավոր ձևաչափերով՝ և՛ բազմակողմ, և՛ երկկողմ: Ադրբեջանի և Հայաստանի նախկին և ներկա ղեկավարները շնորհակալ են բելառուսական պետության ղեկավարին Հարավային Կովկասի ժողովուրդների համար խաղաղության և բարօրության անկեղծ ցանկության, հայ-ադրբեջանական հարաբերությունների կարգավորման գործում անձնական ներդրման համար: Ուստի խորհուրդ ենք տալիս մեր բարեկամներին և գործընկերներին ուշադիր կարդալ և վերընթերցել բելառուսական պետության ղեկավարի բազմաթիվ ելույթները այս ոչ հեշտ, բայց միանգամայն լուծելի հարցի վերաբերյալ»:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
Դե հիմա ժամանակն է, որ ՀՀ ԱԳՆ ն կարգին ու հանգամանալից պատասխան տա, ասելով որ դաշնակցային պարտավորուփյուներիցց թռնել թաքնվել հոխորտանքի հետևում դեռ ոչ մեկին չի փրկել առավել ևս կարտոլֆյուրերին