Լեմկինի ինստիտուտը մտահոգություն է հայտնել Ադրբեջանի նախագահ Իլհամ Ալիևի հռետորաբանության կապակցությամբ:
«Լեմկինի ինստիտուտը խորապես մտահոգված է այն ցեղասպան հռետորաբանությամբ, որ օգտագործում է Ադրբեջանի նախագահ Իլհամ Ալիևը Ադրբեջանի Հաղթանակի օրվան նվիրված իր վերջին ելույթներում, որտեղ նա վերահաստատում է սպառնալիքները՝ հարձակում գործել Հայաստանի վրա: Նախագահ Ալիևի հռետորաբանությունն իր էությամբ ցեղասպան բնույթ ունի և հենվում է ցեղասպանության ընդհանուր մեղմասացության վրա»,- ասվում է հայտարարության մեջ:
Դրանում նշվում է, որ Ադրբեջանի կողմից այնպիսի արտահայտությունների օգտագործումը, ինչպիսիք են հայերին սպառնացող «ողբերգությունը», կամ Ադրբեջանի «համբերատարության» մասին հիշատակումները նման հռետորաբանության ընդամենը մի քանի օրինակ են:
«Մենք կոչ ենք անում միջազգային հանրությանը մատնանշել և դատապարտել այդ հռետորաբանությունը՝ խուսափելու հայ ժողովրդի նկատմամբ ևս մեկ ցեղասպանությունից»,- ասվում է հայտարարության մեջ:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
We condemn Pres. Ilham Aliyev (@azpresident) & the @Azerbaijan gov't's use of inherently genocidal rhetoric during #VictoryDay speeches. Euphemisms attempt to disguise genocidal rhetoric & intent. We call on the int'l community to condemn this rhetoric & protect #Armenians. pic.twitter.com/ptJfMA8oNI
— Lemkin Institute for Genocide Prevention (@LemkinInstitute) November 10, 2022
