Նոյեմբերի 11-ին նշանակված էր Վանաձորի նախկին քաղաքապետ Մամիկոն Ասլանյանի հերթական դատական նիստը: Ինչպես միշտ, այս անգամ էլ դահլիճն Ասլանյանին դիմավորեց ծափողջույններով. «Դատական նիստեր են ընթանում, գրավոր ապացույցներն են հետազոտվում: Աշխատանքային ժամի ավարտի պատճառով գործի քննությունը հետաձգվեց»,- Aravot.am-ի հետ զրույցում ասաց Մամիկոն Ասլանյանի փաստաբան Արտակ Ոսկանյանը՝ տեղեկացնելով, որ գործի քննությունը տեւել է մոտ 2 ու կես ժամ:
Ոսկանյանից հետաքրքրվեցինք նաեւ, թե այս պահին ինչպես է Ասլանյանի առողջական վիճակը, վերջինս ասաց, որ այս անգամ նորմալ էր:
Հաջորդ դատական նիստի ընթացքում նույնպես նախատեսվում է գրավոր ապացույցների հետազոտում: Այն նշանակված է դեկտեմբերի 7-ին: Վկաների հարցաքննություն դեռեւս չի նախատեսվում:
Տաթեւիկ ՂԱԶԱՐՅԱՆ
