«Որեւէ ձեւ այս պահին որոշված չէ. որտեղ հնարավորություն եղավ առաջընթաց գրանցելու, եւ վերջնական համաձայնության հասնելու, այնտեղ էլ կստորագրենք»,- Հաղթանակ զբոսայգում, լրագրողների հետ զրույցում ասաց ՀՀ ԱԽ քարտուղար Արմեն Գրիգորյանը՝ պատասխանելով հարցին՝ ի՞նչ տրամադրություններ կան պաշտոնական Երեւանում՝ խաղաղության պայմանագրի ստորագրել Արեւմուտքի՞ հովանու ներքո, թե՞ Ռուսաստանի:
Նա մանրամասնեց, որ Արցախի հետ կապված հայկական մոտեցումը բազմիցս հայտարարել են՝ պետք է ստեղծվի միջազգային մեխանիզմ, Ստեփանակերտն ու Բաքուն քննարկեն իրավունքների եւ անվտանգության հարցերը:
Դիտարկմանը՝ «Խաղաղության պայմանագիր անվանումը» փոխարինվել է «Հարաբերությունների կարգավորման համաձայնագիր» անվանումով, Արմեն Գրիգորյանը պատասխանեց. «Վերնագիրը այդքան էլ կարեւոր չէ, կարեւորը բովանդակությունն է. մի քանի կարեւոր հարց կա, եւ եթե մենք կարողանում ենք այդ հարցերի շուրջ լուծումներ գտնել, ապա կարևոր չէ, թե ինչպիսի վերնագիր կունենա»:
Կարդացեք նաև
Նելլի ԳՐԻԳՈՐՅԱՆ
