Արցախի Հանրապետության Ազգային ժողովի այսօրվա նիստում ընդունվեց ադրբեջանական ագրեսիան դատապարտող հայտարարություն։ ԱԺ նախագահ Արթուր Թովմասյանը, ընթերցելով հայտարարության տեքստն, ասաց, որ ՀՀ պատվիրակությանը կոչ են անում անհապաղ դադարեցնել Վաշինգթոնյան բանակցությունները, մինչեւ Արցախի հետ շփման գծում ու ՀՀ հետ սահմաններում լիակատար հրադադարի հաստատումը եւ այն պահպանելու փաստաթղթային երաշխիքների պահպանումը։ «Հակառակ պարագայում բանակցությունների շարունակումը կշարունակի ադրբեջանական ագրեսիվ պահվածքի խրախուսում եւ միջազգային մակարդակով արտոնություն»,- ասաց նա։
Արցախի խորհրդարանը հայտարարությամբ դիմում է նաեւ ՄԱԿ-ի անվտանգության խորհրդին, ԵԱՀԿ Մինսկի խմբի համանախագահ երկրների ղեկավարներին՝ կոչ անելով կարեկցանքի հայտարարություններից, հորդորներից եւ խորհուրդներից զատ ձեռնարկել կոնկրետ գործնական քայլեր, մասնավորապես, պատժամիջոցներ կիրառել Ադրբեջանի նկատմամբ։
Դիմում են նաեւ ռուսական կողմին՝ կոչ անելով խաղաղապահ առաքելության շրջանակում առավել կոշտ միջոցներով կասեցնել Ադրբեջանի ցեղասպան գործողությունները։
Կարդացեք նաև
Ռոզա ՀՈՎՀԱՆՆԻՍՅԱՆ
