Բարձրագույն դատական խորհուրդը ապրիլի 4-ին գրավոր ընթացակարգով քննության է առել դատավորների թեկնածուների ցուցակի վարչական մասնագիտացված բաժնից հանված թեկնածու Սյուզաննա Վարդանյանի դիմումը՝ ԲԴԽ խորհրդի՝ 21.02.2024 թվականի թիվ ԲԴԽ- 15 որոշումը վերանայելու մասին:
Ըստ թեկնածուի դիմումի, ունի բարձրագույն իրավաբանական կրթություն, 6 տարվա մասնագիտական փորձառություն: 4 տարի առաջ նա ընդունվել է ԵՊՀ իրավագիտության ֆակուլտետի ասպիրանտուրա, 2022 թվականի ապրիլի 25-ից մինչ նույն տարվա օգոստոսի 4-ը ընդգրկվել է դատավորների թեկնածուների հակակոռուպցիոն բաժնի հակակոռուպցիոն քաղաքացիական գործերի քննության ենթաբաժնում: Անցել է ուսումնառություն արդարադատության նախարարության Ակադեմիայում, հետագայում հանվել է թեկնածուների ցուցակից:
Մասնակցել է վարչական դատարանի դատավորների մասնագիտացված քննությանը, անցել է գրավոր փուլը, սակայն չնայած ցուցակում իր անվան բացակայությանը, քննություն է տվել հատուկ ընթացակարգով: Խորհրդակցական սենյակում բաց քվեարակության արդյունքներով ցուցակից հանելուն կողմ են եղել 4-ը, դեմ՝ 5-ը:
ԲԴ խորհրդի կողմից ստացել է առաջարկ մասնակցել վարչական դատարանի դատավորի թափուր պաշտոնում ընդգրկվելու համար: Նրա թեկնածությունը ներկայացվել է ՀՀ նախագահին: Առաջարկից մեկ օր հետո նրա թեկնածությունը հանվել է ցուցակից, հղում կատարելով ՀՀ դատական օրենսգրքի որոշակի հոդվածին: Զեկուցողը նրա գործով եղել է խորհրդի անդամ Էդգար Հովհաննիսյանը: Բարձրագույն դատական խորհուրդը մերժել է թեկնածուի դիմումը վերանայել խուճուճ իրավական ձեւակերպումներով:
Կարդացեք նաև
Ռուզան ՄԻՆԱՍՅԱՆ
«Առավոտ» օրաթերթ
12.04.2024
