Կառավարության այսօրվա նիստում Նիկոլ Փաշինյանն ասաց, որ Շիրակի մարզպետ Մուշեղ Մուրադյանը աշխատանքից ազատման դիմում է գրել։ «Ես ուզում եմ պարոն Մուրադյանին շնորհակալություն հայտնել՝ Շիրակի մարզպետի պաշտոնում իր կատարած աշխատանքի համար եւ հաջողություններ մաղթել՝ հետագա համագործակցության հույսով եւ հեռանկարով»,- ասաց Փաշինյանը։
Մուշեղ Մուրադյանն իր հերթին շնորհակալություն հայտնեց Նիկոլ Փաշինյանին։ «Շուրջ երկու տարվա ընթացքում իմ հմտությունների, գիտելիքների, հնարավորությունների եւ լիազորությունների շրջանակում ինչքան որ կարողացել եմ, ծառայել եմ Հայաստանի Հանրապետությանը, Շիրակի մարզը զարգացնելուն»,- ասաց նա։
Նշենք, որ կառավարության այսօրվա նիստից առաջ Մուշեղ Մուրադյանը հերքել էր, որ պաշտոնանկ է արվելու։ «Ես այս պահին նման տեղեկատվություն չունեմ, նման խոսակցություն չկա»,- «24 նյուզ»-ի լրագրողի հարցին ի պատասխան ասել էր նա։
Կարդացեք նաև
Ռոզա ՀՈՎՀԱՆՆԻՍՅԱՆ
Լուսանկարը՝ արխիվային
