Երեւանի քաղաքապետարանի գործակարգավարական խորհրդակցության ժամանակ քաղաքապետ Տիգրան Ավինյանին ներկայացվեցին փետրվար ամսվա օդի որակի վերաբերյալ չափման սարքերից ստացված տվյալները: Նրան տեղեկացրին, որ երեւանյան շինհրապարակներում տեղադրված 165 կայաններից ստացված տվյալների համաձայն՝ փետրվար ամսվա համար օդի որակի ինդեքսի միջինացված արժեքը pm2,5-ի համար կազմել է 109, իսկ pm10-ի համար՝ 51, եւ այս արժեքները գտնվում են չափավոր կամ զգայուն խմբերի համար անառողջ միջակայքում:
Տիգրան Ավինյանը նշեց, որ Երեւան քաղաքի ավագանին պարտադրել է 4-րդ ռիսկայնություն ունեցող կառուցապատողներին բոլոր շինհրապարակներում տեղադրել 2-ական չափման սարք: Նա ընդգծեց, որ մայրաքաղաքում կան 160-ից ավելի նման սարքեր, որոնք միացված են իրենց ընդհանուր համակարգին, ինչը թույլ է տալիս տեսնել ընդհանուր պատկերը:
«Պետք է արձանագրել, որ ձմեռային սեզոնին այս իրավիճակը տարիներ շարունակ մենք ունեցել ենք: Ինչքան էլ, որ մեր շինարարական ծավալներն ավելացել են, այս խնդիրը միշտ ունեցել ենք, եւ սա պայմանավորված է ոչ այնքան մարդածին գործոններով: Տարածաշրջանում, ընդհանուր առմամբ, այս սեզոնին կա նման խնդիր»,-ասաց Ավինյանը՝ հիշեցնելով օդի որակի բարելավման Երեւանի քաղաքապետարանի քառամյա ծրագրի մասին:
Մանրամասն՝ տեսանյութում
Կարդացեք նաև
Գոհար ՀԱԿՈԲՅԱՆ
