ՀՀ ԱԳ նախարարի տեղակալի Ռոբերտ Աբիսողոմոնյանը մասնակցել և ելույթով հանդես է եկել ՅՈՒՆԵՍԿՕ-ի գլխավոր կոնֆերանսի 43-րդ նստաշրջանի ընդհանուր քաղաքականության քննարկմանը:
ՀՀ ԱԳ նախարարի տեղակալն իր ելույթում, մասնավորապես, նշել է.
«Հայկական մշակութային ժառանգությունը կարելի է տեսնել ոչ միայն Հայաստանում և հարևան երկրներում, այլև աշխարհի գրեթե բոլոր անկյուններում: Հայկական մշակութային ներկայությունը տեսանելի է եկեղեցիներում, սրբավայրերում և այլ հուշարձաններում՝ Սինգապուրից, Դակկայից և Կալկաթայից մինչև Սպահան, Երուսաղեմ, Վենետիկ, Փարիզ և, իհարկե, Սամարղանդ՝ արտացոլելով Հայաստանի միջմշակութային երկխոսության երկարատև ավանդույթները:
Հայաստանը վերահաստատում է իր աներկբա աջակցությունը ՅՈՒՆԵՍԿՕ-ի կողմից ամբողջ աշխարհում, այդ թվում՝ զինված հակամարտություններից և բնական աղետներից տուժած տարածաշրջաններում, մշակութային ժառանգության պաշտպանությանն ուղղված գործողություններին» …
…«Այս տարին նշանակալից էր մեր տարածաշրջանի համար: Օգոստոսի 8-ին Վաշինգտոնում Հայաստանի, Ադրբեջանի և ԱՄՆ-ի ղեկավարները ստորագրեցին համատեղ հռչակագիր, իսկ Հայաստանի և Ադրբեջանի արտաքին գործերի նախարարները նախաստորագրեցին Հայաստանի և Ադրբեջանի միջև խաղաղության և միջպետական հարաբերությունների հաստատման մասին համաձայնագիրը։ Այս համաձայնությունները նշանավորեցին մեր երկրների միջև խաղաղության հաստատումը։ Այս երկար սպասված զարգացումը նոր էջ է բացել Հարավային Կովկասի համար՝ ստեղծելով ավելի կայուն և համագործակցային տարածաշրջանային միջավայր։ Վստահ ենք, որ խաղաղության այս նոր միջավայրը հնարավորություններ կստեղծի ավելի լայն տարածաշրջանային ներգրավվածության համար, այդ թվում՝ մշակութային ժառանգության պաշտպանության հարցում։ Անհրաժեշտ է երաշխավորել, որ մշակութային և կրոնական հուշարձանները պահպանվում են իրենց պատմական իսկությամբ և պաշտպանված են աղավաղումից և ոչ նպատակային օգտագործումից»։
Կարդացեք նաև
ՀՀ ԱԳՆ
