– Ուզում եմ ձեզնից լսել ու հասկանալ՝ իշխանության գալով՝ վերջապես մեր երկրում գործելո՞ւ է օրենքը, թե՞ ոչ։ «Մեր ձևով» շարժման համակարգող Նարեկ Կարապետյանի հետ հանդիպման ժամանակ այս հարցն է Կարապետյանին ուղղել հանդիպման մի մասնակից։
Ի պատասխան՝ Նարեկ Կարապետյանն ասել է․ «Ընդդիմությունը մի հատկություն ունի․ մինչև իշխանություն դառնալը, իրենք միշտ ասում են՝ հա։ Միշտ հասնում են իշխանության, մի երկու տարի դիմանում են, հետո ամբողջ օրը դատավորներին հրահանգներ են տալիս։
Ես չէի ցանկանա, որևէ կասկած առաջանար իմ խոսքի մեջ, բայց մի բան կարող եմ հաստատ ասել՝ ուրիշ նպատակ, քան մեր երկիրը փոխելն է, մենք չունենք։ Այդ ճանապարհին անելու ենք ամեն ինչ, որ երբ մենք չլինենք, ուրիշ իշխանություն լինի, չկարողանան անել այն, ինչ հիմա են անում»։
