Հունիսի 1-ին ԵՄ-ն մեկնարկեց նոր երկամյա ծրագիր՝ «Աջակցություն Հայաստանում վիզաների ազատականացման երկխոսությանը՝ սահմանների կառավարման, փաստաթղթերի անվտանգության և իրավապահ մարմինների բարեփոխումների ոլորտներում», որը կաջակցի Հայաստանի Հանրապետության կառավարությանը Վիզաների ազատականացման գործողությունների ծրագրի առանցքային բարեփոխումների առաջմղման գործում։
Ծրագիրն իրականացվելու է Լիտվայի Ներքին գործերի նախարարության աջակցությամբ՝ ծրագրերի կառավարման կենտրոնական գործակալության կողմից։
Ծրագրի մեկնարկը հաջորդում է վիզաների ազատականացման գործողությունների ծրագրի իրականացման վերաբերյալ գործողությունների առաջին զեկույցի հրապարակմանը, որը ԵՄ–Հայաստան գագաթնաժողովի ընթացքում հանձնվել էր Հայաստանի կառավարությանը։
Զեկույցը ներկայացնում է առաջարկություններ վիզաների ազատականացման գործողությունների ծրագրի բարեփոխումների չորս
հիմնական ուղղություններով՝
Կարդացեք նաև
▪️ ճամփորդական փաստաթղթերի անվտանգություն,
▪️ սահմանների, միգրացիայի և ապաստանի կառավարման համակարգ,
▪️ հասարակական կարգի և անվտանգության հարցեր,
▪️ տեղաշարժի ազատության հետ կապված հիմնարար իրավունքների ապահովում։
ՀՀ-ում ԵՄ ներկայացուցչություն
