Հայկական բարեգործական ընդհանուր միությունը (ՀԲԸՄ) շնորհավորում է ընտրված վարչապետ Նիկոլ Փաշինյանին և «Քաղաքացիական պայմանագիր» կուսակցությանը՝ 2026 թվականի հունիսի 7-ին կայացած ընտրություններում տարած հաղթանակի կապակցությամբ։
Այս ընտրությունները վկայում են թե՛ քաղաքացիական ակտիվ մասնակցության և ազատ ու արդար ընտրական գործընթացի միջոցով իրենց ղեկավարներին ընտրելու հիմնարար իրավունքի իրացման հանդեպ Հայաստանի քաղաքացիների հանձնառության, և թե՛ օրենքի գերակայության ներքո Հայաստանի ժողովրդավարական ինստիտուտների ամրության մասին։
ՀԲԸՄ-ն հույս է հայտնում, որ տարածաշրջանում կհաստատվի տևական խաղաղության և կայունության դարաշրջան, ինչը հնարավորություն կտա Հայաստանին ուղղորդելու իր մարդկային կապիտալը դեպի նորարարության, տեխնոլոգիական առաջընթացի, տնտեսական աճի ու ազգային անվտանգության ոլորտներ։
Նույն ոգով մենք կոչ ենք անում վերականգնել միասնականության զգացումը և ձևավորել բարի կամքի ու քաղաքակիրթ երկխոսության մթնոլորտ՝ տարբեր տեսակետների ու գաղափարների ազատ արտահայտման համար թե՛ երկրի ներսում, թե՛ աշխարհասփյուռ հայության շրջանում։
Կարդացեք նաև
Ինչպես միշտ, ՀԲԸՄ-ն հանձնառու է համագործակցելու իշխանությունների և հայ ժողովրդի հետ՝ ստեղծելու հնարավորություններ, որոնք կնպաստեն համայն հայության հայրենիքի զարգացմանն ու բարգավաճմանը։
Հայկական բարեգործական ընդհանուր միությունը (ՀԲԸՄ) աշխարհի խոշորագույն, շահույթ չհետապնդող համահայկական կազմակերպությունն է, որը հիմնադրվել է 1906 թվականին: Այսօր ՀԲԸՄ-ն ունի իր ներկայությունը աշխարհի 40 երկրների ավելի քան 70 քաղաքներում: Իր կրթական, մշակութային, մարդասիրական ու սոցիալ-տնտեսական զարգացման ծրագրերի միջոցով պահպանում և զարգացնում է հայկական ինքնությունն ու ժառանգությունը՝ յուրաքանչյուր տարի ազդեցություն ունենալով աշխարհով մեկ սփռված շուրջ 500,000 հայերի կյանքի վրա:
ՀԲԸՄ-ի և վերջինիս կողմից ողջ աշխարհում իրականացվող ծրագրերի մասին հավելյալ տեղեկատվություն կարող եք գտնել www.agbu.org կայքէջում: ՀԲԸՄ Հայաստանի մասին հավելյալ տեղեկատվության համար այցելե՛ք www.agbu.am կայքէջ:
Հայկական բարեգործական ընդհանուր միություն
