«Եթե կես տարի առաջ Հայաստանը երկաթուղային փակուղի էր և կարող էր արտադրանքն արտահանել առավելագույնը մինչև Փոթի, ապա այժմ՝ Ադրբեջանի տարածքով ճանապարհի բացմամբ, կարող է բեռներ փոխադրել թե՛ Եվրոպա, թե՛ Սիրիա»,- խորհրդարանում լրագրողների հետ ճեպազրույցում ասաց ԱԺ փոխնախագահ Ռուբեն Ռուբինյանը։
Պատասխանելով հայ-թուրքական հարաբերությունների մասին հարցին՝ Թուրքիայի հետ բանակցություններում Հայաստանի հատուկ ներկայացուցիչը նկատեց, որ վերջին շրջանում նշանակալի իրադարձություններ են տեղի ունեցել, որոնք ներքաղաքական խնդիրների մեջ ստվերվել են. մասնավորապես, հաստատվել է ուղիղ առևտուր Հայաստանի և Թուրքիայի միջև, և հայկական կողմը հնարավորություն է ստացել օգտվել Ախալքալաք-Կարս երկաթգծից։
«Մենք ակնկալում ենք երկաթուղու շուտափույթ գործարկում, ինչպես նաև բոլոր պայմանավորվածությունների կատարում»,- ասաց Ռուբեն Ռուբինյանը՝ հիշեցնելով Գյումրի-Կարս ճանապարհի վերականգնման հանձնաժողովի ստեղծման մասին։
Պատասխանելով հարցին, թե Մարգարայի հատվածում էլ հայկական կողմն ամեն ինչ արեց, սակայն սահմանի այդ հատվածը փակ է անգամ երրորդ երկրների քաղաքացիների համար, չնայած նման պայմանավորվածություն կողմերը հաստատել էին, Ռուբեն Ռուբինյանը պատասխանեց՝ չգիտի, բայց հույս ունի, որ այդ պայմանավորվածությունը կյանքի կկոչվի, իսկ նշված քայլերը կնպաստեն դրան։
Կարդացեք նաև
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
