Սննդամթերքի անվտանգության տեսչական մարմինը օգոստոսի 1-ից սկսել է թիրախային վերահսկողությունը սննդամթե րքի առաքման ոլորտում. ՆԳՆ ոստիկանության պարեկային ծառայության հետ համատեղ վերջին մեկ շաբաթում իրականացված վերահսկողական լայնածավալ միջոցառումները, որոնց ընթացքում ստուգվել է առաքում իրականացնող անձանց սանիտարական գրքույկների առկայությունը, դրական արդյունքներ է գրանցել:
Այսպես՝ ստուգված 237 առաքիչներից սանիտարական գրքույկ չեն ունեցել միայն նրանք, ովքեր սննդամթերքի առաքում չեն իրականացնում. սննդամթերքի առաքման համար նախատեսված հավելվածների (Յանդեքս, Գլովո և այլն) ուսումնասիրությամբ՝ այդ առաքիչների նույնականացում, որպես սննդամթերք տեղափոխողների, չի արձանագրվել։
Հիշեցնենք՝ համաձայն Սննդամթերքի անվտանգության մասին Հայաստանի Հանրապետության օրենքի պահանջի՝ սննդի շ թայի ցանկացած փուլում (արտադրության, մշակման, վերամշակման, բաշխման, պահման, պահպանման, փոխադրման, ներմուծման, արտահանման և իրացման) ներգրավված անձնակազմը պետք է ենթարկվի նախնական (աշխատանքի ընդունվելիս) և պարբերական (յուրաքանչյուր կիսամյակ) բժշկական զննությունների և ունենա անձնական սանիտարական գրքույկ:
Առաքիչը սննդի շղթայի կարևոր օղակ է, որը պատասխանատու է սննդամթերքի անվտանգ ու պատշաճ տեղափոխման համար: Սննդամթերքի անվտանգության տեսչական մարմինը հետևողականորեն շարունակելու է վերահսկողությունն այս ոլորտում՝ ստուգելով սննդամթերքի առաքմամբ զբաղվող անձանց պարբերական բժշկական զննություն անցած լինելը և անձնական սանիտարական գրքույկների առկայությունը։
Կարդացեք նաև
ՀՀ սննդամթերքի անվտանգության տեսչական մարմին
