Հղում կատարելով ՍԴ-ի որոշմանը՝ Արամ Վարդևանյանն ասաց․ «Այնտեղ հստակ ասվում է, որ ԱԺ բոլոր խմբակցություններն ունեն մեկ պարտականություն՝ նպաստելու ԱԺ քաղաքական կամքի ձևավորմանը։ Քաղաքական կամքի ձևավորման տեսանկյունից ՔՊ-ն փաստացի միջամտում է մեկ այլ խմբակցության գործունեությանը»։
«Սարգիս Խանդանյանը մի պնդում կատարեց, որ այստեղ բոլորս իշխանության ներկայացուցիչներն ենք, և իշխանությունը պատկանում է ժողովրդին։ Եվ այդ իմաստով հարց է առաջանում, իսկ եթե բոլորս ժողովրդի ներկայացուցիչներն ենք և ըստ ԿԸՀ կողմից ընդունված որոշման արդյունքում ձևավորված Դոնթի բանաձևի՝ այս մշտական հանձնաժողովի վերաբերյալ առաջադրումը պատկանում էր «Ուժեղ Հայաստանին», խմբակցությունը կատարել է առաջադրում, ժողովուրդը ձեզ ասել է՝ դուք որոշե՞ք՝ ընտրեք, թե՝ չէ՞»,- ԱԺ նիստի ժամանակ այսպիսի դիտարկում արեց ԱԺ նախագահի տեղակալ Արամ Վարդևանյանը՝ անդրադառնալով այն փաստին, որ ՔՊ-ն դեմ քվեարկեց իրենց խմբակցության առաջադրած՝ ԱԺ 3 մշտական հանձնաժողովների նախագահների թեկնածուներին։
Հղում կատարելով ՍԴ-ի որոշմանը՝ Արամ Վարդևանյանն ասաց․ «Այնտեղ հստակ ասվում է, որ ԱԺ բոլոր խմբակցություններն ունեն մեկ պարտականություն՝ նպաստելու ԱԺ քաղաքական կամքի ձևավորմանը։ Քաղաքական կամքի ձևավորման տեսանկյունից ՔՊ-ն փաստացի միջամտում է մեկ այլ խմբակցության գործունեությանը։ Ի դեպ, փաստացի ստացվեց, որ դուք դա գիտակցված եք արել, քանի որ որոշակի իմաստով գնահատման եք ենթարկել թեկնածուներին՝ ընտրել-չընտրելու հարցը։ Այն պարագայում, երբ ՍԴ-ն ասում է՝ տենց մի արեք, դա ժողովրդավարական ճանապարհը չէ։ Այն, ինչ այսօր դուք արել եք, ժողովրդավարական չէ»։
ԱԺ նիստն ամբողջությամբ՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
