«Դե յուրե հնչեցնում եք 29 743 քկմ տարածքը։ Եթե սահմանազատման եւ սահմանագծման արդյունքում դե ֆակտո պայմանական ունենանք որեւէ այլ թիվ, որը կհակասի ՀՀ տարածքային ամբողջականությանը, ո՞րն է լինելու ձեր գործողությունը, դուք պաշտպանելո՞ւ եք ՀՀ տարածքային ամբողջականությունը եւ ՀՀ պետական շահը»,- Ազգային ժողովի նիստում կառավարության 2026-2031 թվականների ծրագրի քննարկման ժամանակ Նիկոլ Փաշինյանին հարցրեց «Ուժեղ Հայաստան» խմբակցության պատգամավոր Իրինա Յոլյանը։
Նիկոլ Փաշինյանն ասաց․ «Եթե ՀՀ տարածքը չի արձանագրվելու, այդ պրոցեսն իմաստ չունի։ Բնականաբար, անսակարկելի է Հայաստանի միջազգայնորեն ճանաչված տարածքի արձանագրումը»։
Մանրամասները՝ տեսանյութում
Կարդացեք նաև
Իրինա Յոլյանը նաեւ հարցրեց Նիկոլ Փաշինյանին՝ բանակում ինքնասպանության հերթական դեպքի մասին է այսօր հայտնի դարձել․ «Էլ ի՞նչ պիտի լինի Զինված ուժերում, որպեսզի Պաշտպանության նախարարն ու ԳՇ պետը պատասխանատվության ենթարկվեն»։
«Պաշտպանության նախարարը եւ ԳՇ պետը պարտավոր են գտնել այս թնջուկի լուծումը եւ կգտնեն այդ թնջուկի լուծումը։ Այո, շատ ցավալի է, որ վերջին մեկ ամսվա ընթացքում իրար հաջորդում են դեպքեր»,- ասաց Փաշինյանը։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
