Արցախի Հանրապետության հռչակման 35 ամյակի առիթով այսօր Եռաբլուր էր այցելել ՀՀ առաջին արտգործնախարար, «Ժառանգություն» կուսակցության հիմնադիր Րաֆֆի Հովհաննիսյանը։ Լրագրողների հետ զրույցում նա խոսել է Արցախի անկախության օրվա խորհրդի և հայ ժողովրդի ազգային իրավունքների պաշտպանության անհրաժեշտության մասին։ Բանախոսը խստորեն քննադատել է գործող իշխանությունների վարած քաղաքականությունը՝ այն որակելով որպես կործանարար պետականության և ինքնիշխանության համար։ Նա պնդում է, որ հայրենիքի վերադարձի և արժանապատիվ ապագայի հարցը չի կարող փակված համարվել՝ անկախ ներկա մարտահրավերներից։
«Այս իշխանությունը շարունակում է հաշտվողականության, նյութապաշտության այս վիճակը, որտեղ այն, ինչ որ թվում էր անհնար, կդառնա արդեն կատարված փաստ, կամ էլ մեր մեջ կգտնենք դիմադրողականության այդ բանականության ուժը, այդ հավաքական կամքը և թույլ չենք տա»,- անդրադառնալով Տիգրանաշենի հնարավոր հանձնմանը՝ նշել է նա։
«Իսկ ընդհանրապես որպես քաղաքականություն, քանի դեռ Հայաստանի Հանրապետության, իրենց ասած միջազգային ճանաչված սահմանները վերականգնված չեն, օկուպացիայի տակ է Հայաստանի արդի Հանրապետությունը, քանի դեռ մենք ունենք գերիներ, պատանդներ Բաքվում և արդեն ցավոք սրտի, նաև Երևանում, մենք չենք կարող դիտարկել, որ սրանից հետո որևէ զիջում բերելու է խաղաղության։ Ցանկացած միակողմանի զիջում առանձին վերցված և դիտարկված նշանակում է Հայաստանի ոչ միայն պետականության կործանում, ազգային նվաստացում, այլ նշանակում է դեպի պատերազմ, դեպի խաղաղության հակառակը։
Ամբողջությամբ՝ սկզբնաղբյուրում
