Կոտայքի մարզի ընդհանուր իրավասության դատարանում այսօր ավարտվեց դերասան Վարդան Պետրոսյանի ավտովթարի գործով դատական նիստը, քանի որ կողմերը դատաքննությունը լրացնելու միջնորդություն չունեին:
Հայտարարությամբ հանդես եկավ միայն Վարդան Պետրոսյանի պաշտպան Նիկոլայ Բաղդասարյանը: Հայտարարությունը կապված էր նախորդ նիստում դատարանի կայացրած որոշման հետ, համաձայն որի՝ մերժվել էր դատաավտոտեխնիկական լրացուցիչ փորձաքննություն անցկացնելու միջնորդությունը (տեսանյութը քիչ հետո):
Վարդեն Պետրոսյանի 2-րդ պաշտպանը՝ Սամվել Ջաղինյանն ասաց, որ որոշման մեջ դատավորը չի անդրադարձել եւ քննության չի դրել Վարդան Պետրոսյանի պաշտպանական իրավունքների խախտման, նրան փորձաքննությանը հարցեր առաջադրելու իրավունքները: Մեղադրողը հակադարձեց, թե հոկտեմբերի 31-ին է հրավիրվել նախաքննական մարմին, այն էլ վկայի կարգավիճակով:
Իսկ տուժողների ներկայացուցիչ Ռուբեն Բալոյանն էլ հայտնեց, որ որեւէ մեկի իրավունքները չեն խախտվել եւ պաշտպանական կողմը ունեցել է երկար ժամանակ՝ հարցեր առաջադրելու համար:
Կարդացեք նաև
Ռուզան ՄԻՆԱՍՅԱՆ
