Ինչպես տեղեկանում ենք Գյումրու բժշկական կենտրոնի պաշտոնական կայքից, գիշերը ժամը 3-ի սահմաններում բժշկական կենտրոն են տեղափոխել 1992թ. ծնված Լեւոն Վահրամի Ժամակոչյանին, որը ստացել է աջ ազդրի վերին երրորդ առաջամիջյան մակերեսի, ինչպես նաեւ աջ ակնակապճի առջեւից ճակատի եւ ձախ վերին շրթունքի շրջանի փափուկ հյուսվածքի վնասվածք՝ հասցված սուր-ծակող գործիքով:
Շիրակի մարզային ոստիկանությունից Aravot.am-ին տեղեկացրեցին, որ այս միջադեպը եղել է հարսանիքի կերուխումի ժամանակ: Դեռեւս հայտնաբերված չէ այս երիտասարդին վնասած անձի ինքնությունը:
Շիրակի մարզի դատախազ Րաֆֆի Ասլանյանը տեղեկացրեց, որ Շիրակի մարզային քննչական վարչությունում պատրաստվում են նյութեր, արդեն իսկ նշանակվել է դատաբժշկական փորձաքննություն:
Նունե ԱՐԵՎՇԱՏՅԱՆ
