Ելույթ ունենալով Ազգային ժողովում, «Երկրապահ» պատգամավորական խմբի ընտրական օրենսգրքի զեկուցող Վիկտոր Դալլաքյանը հայտարարեց, որ իրենց առաջարկ է ներկայացրել նաեւ Հայաստանի Ժողովրդական կուսակցությունը՝ Կարեն Դեմիրճյանի գլխավորությամբ։ Մինչդեռ պարզվեց, որ իրականությունն այլ է։ «Երկրապահի» տարբերակում լրացում կատարելու ընդամենը մեկ առաջարկ է ներկայացրել ոչ թե ՀԺԿ-ն, այլ Ռոբերտ Ենգոյանը՝ պատգամավորական նախաձեռնությամբ։
ԼՂՀ ՕՐԵՆՍԴՐՈՒԹՅԱՄԲ ՄՏԱՀՈԳ
Լեռնային Ղարաբաղի Հանրապետությունից վերադարձել են ԱԺ իրավաբանական ծառայության ղեկավար Վլադիմիր Նազարյանը եւ Սահմանադրական դատարանի նախագահ Գագիկ Հարությունյանը։ Նրանք այնտեղ եւս զբաղվել են օրենսդրության կարգավորման խնդիրներով։
ՀԵՐՔՈՒՄՆԵՐԻ ՊԱՏՄՈՒԹՅՈՒՆԻՑ
Կարդացեք նաև
Այս տարվա հունիսին, երբ «Առավոտը» տեղեկություն հրապարակեց, որ Ռուբեն Հախվերդյանը նշանակվելու է «Նաիրի» կինոթատրոնի տնօրեն եւ, որ դա արվել է Ռոբերտ Քոչարյանի միջամտությամբ եւ այլն՝ պրն Հախվերդյանը թերթին հրապարակավ մեղադրեց «միայն լսածով դատարկ բաներ գրելու» եւ այլ մահացու մեղքերի մեջ։ Արդեն հայտնի է, որ Ռուբեն Հախվերդյանն այժմ «Նաիրիի» տնօրենն է։ Նրա ընկերը՝ Տիգրան Խզմալյանը հրապարակավ վկայեց, որ սա նախագահի նախաձեռնությունն էր եւ քաղաքական քայլ էր։ Այսինքն, մեր «միայն լսածով» գրված տեղեկությունը լիովին հաստատվեց։ Ցավոք սրտի, հաստատվեցին նաեւ մեր այն կանխատեսումները, որ տաղանդավոր երգահանին տնօրեն նշանակելուց հետո «Նաիրիում» այլեւս կինոցուցադրումներ չեն լինի։
