Թեպետ կոնյակի գործարանը հայտարարել է, որ այս տարի չի նախատեսում խաղողի անսահմանափակ մթերում, եւ, ի տարբերություն նախորդ տարվա, քվոտաներ են լինելու, սակայն դա չի կարող դառնացնել հայ գյուղացուն։ Բանն այն է, որ վրացի գործարարները սկսել են հետաքրքրություն ցուցաբերել հայկական խաղողի նկատմամբ, ինչը մտադիր են օգտագործել իրենց գինեգործության մեջ։
ՉԼԻՆԻ, ԹԵ
Ադրբեջանական «Զերկալո» թերթը գրել է, որ Եվրոպական վերակառուցման եւ զարգացման բանկի ժողովի ժամանակ ՀՀ ֆինանսների նախարարը մաքուր ադրբեջաներենով առաջարկություն է ներկայացրել, որպեսզի Երեւանում բացվի Ադրբեջանի միջազգային բանկի մասնաճյուղը։ Եթե խոսքը Լեւոն Բարխուդարյանի մասին է, ապա պետք է ճշտել՝ նա ադրբեջաներեն գիտի՞, թե՝ ոչ։ Իսկ եթե Սանդոյանի մասին է խոսքը, ապա հաստատ նման հրավեր է արել, որպեսզի 95-ի օրինակով «քցի» ադրբեջանցիներին։
Կարդացեք նաև
ՌԱԶՄԱԿԱՆ ԵՌԱՆԿՅՈՒՆ
Ըստ GIU հանդեսի՝ Իրանը եւ Հունաստանը՝ Հունաստանի պաշտպանության նախարար Ապուտոլոս Ցախաթուպուլոսի Թեհրան կատարած այցելության ժամանակ հայտարարել են, թե մտադիր են Հայաստանի հետ միասին ստորագրել եռակողմ ռազմական համագործակցության համաձայնագիր, ինչը տեղի կունենա հուլիսի 12-ին։ GIU-ն տեսակետ է հայտնել, թե այդ դաշինքը կարող է վտանգել ՆԱՏՕ-ի միասնականությունը։