Հայտարարեց ԱԺ պատգամավոր Հմայակ Հովհաննիսյանը
Պատասխանելով «Սնարք»-ի աշխատակցի այն հարցին, թե ինչո՞ւ ինքը հրաժարվեց ղեկավարել խորհրդարանական հանձնաժողովներից մեկը, ԱԺ պատգամավոր, ՀԺԿ քաղաքական քարտուղար Հմայակ Հովհաննիսյանն ասաց. «Կուսակցության ոչ մի անդամ իրավունք չունի հրաժարվել կուսակցական հանձնարարությունից, որն արդեն կայացրել է կուսակցության քաղաքական խորհուրդը, կամ կուսակցության նախագահը։ Այդ պատճառով, բոլոր այն խոսակցությունները, թե ես հրաժարվել եմ ինձ հանձնարարված աշխատանքի պատասխանատվությունից, բոլորովին անհիմն են։ Ես պատրաստ եմ իմ գիտելիքները ներդնել հարազատ ժողովրդի բարօրության օգտին, սակայն այսօրվա կադրային քաղաքականության պայմաններում զարմանալի չէ, որ չի հաջողվում այդ բանն անել բավարար չափով»։
ՍՆԱՐՔ
ԼՂՀ ՆԱԽԱԳԱՀԻ ՀՐԱՄԱՆԱԳՐՈՎ
Կարդացեք նաև
Օգոստոսի 2-ին ԼՂՀ նախագահը հրամանագիր է ստորագրել Սամվել Անդրանիկի Բաբայանին ԼՂՀ պաշտպանության նախարարի պաշտոնից ազատելու մասին։ Մի այլ հրամանագրով ՊՆ է նշանակվել Սեյրան Մուշեղի Օհանյանը։ ՆԳ նախարար Արթուր Ալեքսանդրի Աղաբեկյանն ազատվել է ՆԳՆ պաշտոնից՝ այլ աշխատանքի անցնելու կապակցությամբ։ ԼՂՀ ՆԳ նախարար է նշանակվել Բակո Սահակի Սահակյանը։
Ռ. Ի.
