Տեղեկատվության եւ գրահրատարակչության վարչության նախկին պետ Էդվարդ Միլիտոնյանն «Ազատություն» ռ/կ-ին հայտնել է, որ իրեն աշխատանքի համարժեք առաջարկներ են արվել։ Թղթակցի փորձերին ի պատասխան՝ պարզելու, թե խոսքը լեզվի տեսչությա՞ն, թե՞ կառավարության տեղեկատվության եւ հասարակայնության հետ կապերի վարչության մասին է, պրն Միլիտոնյանն ասել է. «Այս երկու օրը կիմանաք։ Ես այն մարդն եմ, որ ձուկը ջրում բազար չի անում»։
ՎԱՏ ԼՈՒՐ
Երեկ տեղի ունեցավ ԳիԱրՔՄի-ի խորհրդի նիստը, որի մի գնահատականն «Առավոտին» փոխանցեց խորհրդի նախագահ Ալեքսանդր Աղամալյանը. «ԳիԱրՔՄի-ն իր վրդովմունքն ու զայրույթն է արտահայտում ՌԴ դեսպանատան բակում կատարված միջադեպի առնչությամբ։ Ցավալի է, որ Հայաստանում գոյություն ունեն այդպիսի ստոր ու ճիզվիտական ուժեր, որոնք երկրում ստեղծված առանց այն էլ ծանր իրավիճակն առավել ապակայունացնում եւ Ռուսաստանի ու Հայաստանի դարավոր բարեկամությանը հարված են հասցնում։ Հուսով ենք, որ սա իրականացնողներն ազգությամբ հայ չեն։ Իսկ եթե անգամ հայ են՝ այս պահից դժվար թե կարողանան հայ կոչվել։ Համոզված ենք, որ ՀՀ եւ ՌԴ ռազմավարական դաշինքը քայքայել փորձողները Հայաստանում երբեք հաջողություն չեն ունենա»։
