Նախագահ Ռոբերտ Քոչարյանը մարտի 17-ին կարգադրություն է ստորագրել ՀՀ վարչապետի 1999 թ. օգոստոսի 18-ի N 494 որոշման մասին։
Նկատի ունենալով, որ վարչապետի 1999 թվականի օգոստոսի 18-ի «Հայաստանի Հանրապետության պետական կառավարման մարմինների պաշտոնատար անձանց նշանակման մասին» N 494 որոշումը, դրա 2-րդ կետի «բ» ենթակետով հաստատված ցանկում նախատեսված՝ ՀՀ ազգային անվտանգության, ներքին գործերի եւ պաշտպանության նախարարությունների կենտրոնական ապարատների կառուցվածքային ստորաբաժանումների եւ համակարգերի հիմնարկների ղեկավարների մասով չի բխում ՀՀ Սահմանադրության 5, 49, 55 եւ 85 հոդվածների, ինչպես նաեւ ՀՀ նախագահի 1995 թվականի հուլիսի 25-ի «Հայաստանի Հանրապետության կառավարության կառուցվածքը եւ գործունեության կարգը սահմանելու մասին» հրամանագրի 73 կետի պահանջներից, ղեկավարվելով ՀՀ Սահմանադրության 49, 55 եւ 85 հոդվածներով, հանրապետության նախագահը կասեցրել է ՀՀ վարչապետի 1999 թվականի օգոստոսի 18-ի «Հայաստանի Հանրապետության պետական կառավարման մարմինների պաշտոնական անձանց նշանակման մասին» N 494 որոշման գործողությունը՝ որոշման 2-րդ կետի «բ» ենթակետով հաստատված՝ ՀՀ վարչապետի հետ համաձայնեցման կարգով պաշտոնի նշանակվող եւ պաշտոնից ազատվող ՀՀ նախարարությունների եւ գերատեսչությունների կենտրոնական ապարատների կառուցվածքային ստորաբաժանումների, ՊՓԲԸ տնօրենների, առանձին հիմնարկների ղեկավարների թեկնածությունների ցանկում նախատեսված՝ Հայաստանի Հանրապետության ազգային անվտանգության, ներքին գործերի եւ պաշտպանության նախարարությունների կենտրոնական ապարատների կառուցվածքային ստորաբաժանումների եւ համակարգերի հիմնարկների ղեկավարների մասով։
ՀՀ վարչապետին առաջարկվել է ՀՀ օրենսդրության շրջանակներում հիշյալ հարցի կանոնակարգման նպատակով վերանայել ՀՀ վարչապետի 1999 թվականի օգոստոսի 18-ի «Հայաստանի Հանրապետության պետական կառավարման մարմինների պաշտոնատար անձանց նշանակման մասին» N 494 որոշումը։
Նախագահի մամուլի գրասենյակ
Կարդացեք նաև
Ավելի պարզ ասած՝ ուժային նախարարներն իրենց ստորադասներին նշանակում են առանց վարչապետի հետ համաձայնեցնելու։
