ԱԱՆ-ն ձերբակալել է «Պրոգրես» ֆիրմայի ղեկավար Նիկոլայ Գրիգորյանին։ Այս ֆիրմայի կազմում Վազգեն Սարգսյանի վարչապետության օրոք միավորվել էին վառելիք ներկրող 5 կազմակերպություններ եւ փորձ էր արվում հակակշռել «Միկային»։ Այրումի կայարան հասցված «Պրոգրեսի» 20 հազար տոննա վառելիքով շարժակայանը եւս կալանվել է բենզինի որակը ստուգելու պատրվակով։ Կնքվել են «Պրոգրեսի» բոլոր բազաները։
ՓԱԽՈՒՍՏ ԱՊՕՐԻՆՈՒԹՅՈՒՆԻ՞Ց
Այսօր գլխավոր դատախազը դիմելու է ԱԺ-ին՝ Վանո Սիրադեղյանին կալանավորման թույլտվություն ստանալու համար։ Հարցական է, թե արդյոք այդ քննարկմանը կմասնակցի ինքը՝ պրն Սիրադեղյանը։ Երեկ մինչեւ ուշ երեկո նրա մասին որեւէ լուր ճշտելու մեր փորձերն ապարդյուն էին։ ԱԺ պետաիրավական հարցերի հանձնաժողովի նախագահ Վիկտոր Դալլաքյանի երեկվա պարզաբանումները լրագրողներին եւս մի ապացույց էին, որ այս հարցում իշխանությունները բացահայտ ապօրինի քայլերի դիմեցին. «Պետք է տեղի ունենա քննարկում, պատգամավորները պետք է դատախազին հարցեր տան, իսկ նա գործից ընդհանրապես տեղյակ չի։ Այսինքն, մենք կհայտնվենք անհեթեթ իրավիճակում»։
Կարդացեք նաև
ՀԺԿ-Ի ՈՐՈՇՈՒՄԸ ՉԿԱՏԱՐԵՑԻՆ
ՀԺԿ քաղաքական խորհուրդը որոշում էր կայացրել «կողմ» քվեարկել էներգետիկ համակարգի բաշխիչ ցանցերի մասնավորեցման օրենսդրական կարգավորման վերաբերյալ օրինագծին։ Այդ որոշումը, փաստորեն, խախտելով՝ պատգամավոր Գրիգոր Հարությունյանը «դեմ» քվեարկեց, իսկ ԱԺ նախագահ Արմեն Խաչատրյանը չմասնակցեց քվեարկությանը։ ԱԺ փոխնախագահ Գագիկ Ասլանյանը եւս «դեմ» էր քվեարկել, բայց ՀԺԿ-ն արտոնել էր նրան այդպես քվեարկել։
Պատճառների մասին կարդացեք էջ 4։
