Ե՞րբ եւ ո՞ր գործիչն էր պարզաբանում. «Հեռախոսազրույցի ժամանակ Մանվել Եղիազարյանը ինձնից խնդրել է ընդամենը հեռախոսահամար, պատճառաբանելով, որ ինքն ուզում է դիմել Ջիլավյանին՝ որեւէ բիզնեսի մեջ մասնակցելու եւ փող վաստակելու նպատակով»։ Այս անգամ հուշենք, որ հիշյալ պարզաբանման հեղինակը ավելի շուտ մշակութային, քան քաղաքական գործիչ է եւ իր այդ նամակով նա պատասխանել է «Առավոտի» շատ հանրահայտ աշխատակցի հրապարակմանը։
ՆԱԽՈՐԴ
Ընթերցողներից ոմանք կարծեցին, թե «Պրոֆեսիոնալները բոլոր նախարարությունների ու կառավարությունների օրոք գործ կունենան։ Այդ ոչ պրոֆեսիոնալն է թայֆայական կողմնակիցներ, կուսակցական պաշտոններ փնտրում» արտահայտությունը Ռոբերտ Քոչարյանինն է։ Ճիշտ հակառակը, սիրելի բարեկամներ. դա ասել է Վանո Սիրադեղյանը 1996-ի հուլիսի 19-ին իր մամլո ասուլիսում։ Ընդ որում, պետք է ընդունել, որ թե՛ «հները», եւ թե՛ «նորերը» իրենց կադրային քաղաքականության մեջ ղեկավարվում էին հենց թայֆայական, ոչ թե պրոֆեսիոնալ չափանիշներով։
