«Միշտ բարի նախանձով եմ նայել նրանց, ովքեր ամեն տարի նորմալ մարդկանց նման նշում են իրենց տարեդարձը: Չորս տարի կարոտով սպասում եմ ծննդյանս ու մորս»,- ասում է Արսենը:
Նա ծնվել է «նահանջ» տարում`փետրվարի 29-ին: Այսօր Արսենի համար ամենաերջանիկ օրն է: Նրա սպասումները տվեցին իրենց արդյունքները: Մեր հերոսն այսօր ընկերների աջակցությամբ գտավ իր հարազատ մորը: Մայրը Ռուսաստանում է եղել`հիշողության կորստով է տառապել: Տարիներ հետո, պատահական ընկերներից մեկը տեսել է տիկին Անահիտին ու ճանաչել:
«Ինձ թվում է` նոր եմ ծնվել: Չեմ հավատում, որ գտնել եմ նրան: Սա իմ ամենաուրախ տարեդարձն է: Ինչ լավ է, որ այս օրն եմ ծնվել (հուզվում է ու ժպտում-հեղինակ)»:
Տիկին Անահիտի համար սա նույնպես անակնկալ էր:
«Այս պահին ոչինչ չեմ կարող ասել: Դենի Դիդրոն իր աֆորիզմներից մեկում նշում է, որ հրաշքներն այնտեղ են, որտեղ դրանց հավատում են: Եվ ինչքան շատ են հավատում, այնքան հաճախակի են դրանք պատահում: Այսօր իմ ծննդյան օրն էլ է»,- ասում է տիկին Անահիտը:
Հ.Գ Այդ չորս տարիներին Արսենն իր ծննդյան օրը նշում էր փետրվարի 28-ին:
«Առավոտ երիտասարդականը» շնորհավորհավորում է նրան և բոլոր մարդկանց, ովքեր ծնվել են այս օրը:
Անուշ Առաքելյան
