Google ընկերությունը իր օգտատերերի համար գործարկել է նոր ֆունկցիա՝ հնարավորություն տեսնել անձնական վիճակագրությունը: Ծառայությունը կոչվում է Google Account activity: Այն առայժմ գործում է beta տարբերակով: Նրանից հետո, երբ օգտատերը կբաժանորդագրվի ծառայությանը՝ նրան ամեն ամիս գաղտաբառով ապահովագրված հղում կուղղարկվի, որի մեջ կլինի Google ծառայությունների օգտագործման մասին հաշվետվություն:
Հաշվետվությունները հնարավորություն են տալիս հետևել հաշվի անվտանգությանը, նաև պատկերացում են տալիս այն մասին թե ինչպես եք դուք օգտագործում Google-ի ծառայություններն ու գործիքները: Հաշվետվության մեջ բերվում է այնպիսի տեղեկություններ, ինչպիսիք են՝ հաշվի մուտքի մասին տեղեկություններ, գտնվելու վայրի, դիտարկչի տեսակի, օպերացիոն համակարգի մասին տեղեկություններ և այլն: Նաև տրվում է վիճակագրություն ուղղարկված և ստացված նամակների մասին, հասցեատերերի քանակը, հաճախ օգտագործվող հասցեներ, նաև վեբ-փնտրման պատմությունը և այլն: Ընդհանուր առմամբ հաշվում կատարված գործողությունների մասին հաշվետվությունը պարունակում է տեղեկություն հետևյալ ծառայությունների մասին. Gmail, Լոկատոր, Picasa վեբ-ալբոմներ,վեբ-փնտրման պատմություն, YouTube:
https://arxangelo.info
