ԵՊԼՀ-ի ուսանողները սկսել են չքաղաքականացված պայքար հանուն իրենց իրավունքների պաշտպանության: Սա վկայում են ԵՊԼՀ-ի ազատ ֆորումի ուսանողները: Հարցազրույց անցկացնելով այս ֆորումի անդամներից մի քանիսի հետ` պարզ դարձան որոշակի «կետեր»`
1. Ֆորումը քաղաքականացված չէ և չի էլ լինի: Թեպետ ֆորումի անդամները որպես անհատներ, որպես սովորական քաղաքացիներ հնարավոր է, որ հարում են այս կամ այն կուսակցությանը, այնուամենայնիվ, ֆորումը, որպես այդպիսին քաղաքականցված չէ:
2. Ֆորումը պայքարում է արդարության և իր իրավունքների համար: «Մենք պայքարում ենք հանուն արդարության, այս դեպքում հանուն Զոլյանի, քանի որ նրան ցանկանում են զրկել ռեկտորի իր պարտականություններից անօրինաբար»,- ասել է անդամներից մեկը:
3. Ֆորումի անդամները ինքնորոշված են:
4. Ֆորումը չի ղեկավարվում որևէ մեկի կողմից, ֆորումում չկան լիդերներ. այստեղ բոլորը հավասար են: Պարզապես կան ֆորումի կողմից լիազորված անդամներ, ովքեր խոսում են բոլորի անունից կոնսենսուսի գալուց հետո:
Հարցազրույցի ընթացքում անդրադարձ կատարվեց նաև Կրթության և գիտության նախարար Արմեն Աշոտյանի հետ ունեցած հանդիպմանը: Ուսանողները պնդում են, որ չպարզաբանված շատ հարցեր կային, որոնց պատասխանը ակնկալում էին Աշոտյանից, սակայն այդպես էլ չստացան: «Աշոտյանը ուսանողների հետ կառավարության շենքում տեղի ունեցած հանդիպման ժամանակ ասել էր, որ կարող ենք իրավաբանական հարցեր տալ պարզաբանումներ ստանալու համար: Նշել էր, որ գալու է իրավաբանների հետ` մեզ հուզող հարցերի պատասխանը տալու, այդ իսկ պատճառով կազմել էինք հարցեր ըստ օրենսդրության: Չեկան իրավաբանները, Աշոտյանն էլ պատճառաբանեց, թե չգիտի սահմանադրություն և չի կարող տալ համարժեք պատասխաններ»:
Ուսանողները անդրադարձան նաև Արմեն Աշոտյանի «Արմենիա» հեռուստաընկերությանը տված հարցազրույցին, որի ժամանակ նշել է, թե ուսանողները բղավում էին Լևոն նախագահ: Ֆորումի անդամները մեկ մարդու պես ժխտեցին այս արտահայտությունը` ասելով վանկարկել են միայն «Զոլյան», «Աշոտյան իջիր» և «Նարեկ», երբ նրան ոսիկանները տարան ոստիկանություն, թեպետ առանց ծանուցագրի:
Ուսանողական այս «շարժումը» մի քանի օր է, ինչ սկսվել է, սակայն արդեն աջակցության մի շարք առաջարկներ է ստացել: Նրանք պնդում են կընդունեն միայն նրանց աջակցության առաջարկները, որոնք չունեն որևէ քաղաքական նկատառում: Նրանց միացել են ԵՊԼՀ-ի դասախոսների մի մասը, Մաշտոցի այգու ակտիվիստները, արտասահմանցի մի շարք ուսանողներ, և սա դեռ սկիզբն է:
Դիանա ԹՈՐՈՍՅԱՆ
Վ.Բրյուսովի անվան ԵՊԼՀ ուսանողուհի
Վ
