Aravot.am-ը ՀՀ վարչապետ Տիգրան Սարգսյանից, որն այսօր Արարատյան հայրապետական թեմի առաջնորդարանում մասնակցում էր qahana.am վերաթարմացված կայքի շնորհանդեսին, հետաքրքրվեց՝ թե, նրա կարծիքով, կառավարության անդամների քանի՞ տոկոսն է քրիստոնեավայել ապրում եւ հետեւում հայտնի պատվիրաններին:
«Այս սուրբ վայրում, կարծում եմ, ճիշտ չէ, որ միջամտենք Աստծո գործերին, դա շատ անհատական խնդիր է. ամեն մարդ ինքն է որոնում ճանապարհ դեպի Աստված, եւ որեւիցե մեկն իրավունք չունի գնահատել ուրիշին: Ինչպես եւ ես իրավունք չունեմ Ձեզ գնահատել, այնպես էլ դուք իրավունք չունեք ինձ գնահատել»,-պատասխանեց Տիգրան Սարգսյանը:
Քանի որ վարչապետը իր կայքում գրել էր, որ մամուլը մեր երկրի հարատևման գրավականներից է` իր սրությամբ և անաչառությամբ, հարցրինք, թե ի՞նչ կարծիքի է ԱԺ պատգամավոր Մհեր Սեդրակյանի եւ լրագրող Մհեր Արշակյանի միջեւ եղած հայտնի միջադեպի մասին: «Բոլոր գնահատականներն արդեն տրված են, եւ կարծում եմ, որ ճիշտ չէ այդ թեմային կրկին անդրադառնալ,-պատասխանեց նա՝ ժպտալով հավելելով,- քրիստոնեավայել վարվեցի»:
Կարդացեք նաև
Գոհար ՀԱԿՈԲՅԱՆ
