Ի տարբերություն Գյումրի-Երևան մայրուղու, որտեղով այսօր երթևեկել հնարավոր չէ, վարորդները մնում ես կիսաճանապարհին , լավագույն դեպքում Լանջիկի հատվածից նորից հետ դառնում Գյումրի, այսօր զարմանալիորեն մաքուր էին Գյումրու փողոցները: Չնայած այս քաղաքում երկու օր է` առատ տեղումներ են, ձյան հաստությունը հասնում է 40-50 սանտիմետրի , սակայն փողոցներից, հատկապես կենտրոնական, բացարձակապես չէր զգացվում ձմռան շունչը: Փոխարենն այսօր կարելի է ասել զգացվում էր իշխանափոխության շունչը. նորընտիր քաղաքապետ Սամվել Բալասանյանի մոտ 3 ամսյա պաշտոնավարման ընթացքում թերևս առաջին անգամն էր, որ փողոցները տեղը տեղին մաքրվում են: Ընդ որում, նկատենք, որ քաղաքապետարանը համապատասխան տեխնիկա չունի, թաղված է պարտքերի մեջ, նույնիսկ աշխատավարձ վճարելու համար ցածր տոկոսադրույքով վարկ են վերցրել: Այդուհանդերձ, այսօր հաճելիորեն զարմացանք ականատես լինելով, թե ինչպես քաղաքապետարանի կոմունալ բաժնի պետ Կնյազ Մանասյանն ու նրա տեղակալ Չուբար Զաքարյանը շրջում էին փողոցներով, հատ-հատ ստուգելով կատարված աշխատանքերի որակը: Նրանք շրջայց էին կատարել նաև ծայրամասային Անի թաղամասում:
Նունե ԱՐԵՎՇԱՏՅԱՆ
