«Ստոմատոլոգի համար առավելագույն հարկը 80 000 դրամն է մեկ բազկաթոռի համար, իրենք աշխատում են ամսական 24 օր, յուրաքանչյուր բազկաթոռ երկու հերթափոխով է սպասարկվում ու 48 աշխատանքային հերթափոխ, եթե 80.000 բաժանում ենք 48-ի, ստացվում է 1700 դրամ մեկ հերթափոխում»,- այսօր «Փաստարկ» ակումբում ատամնաբույժերի աշխատանքային իր հաշվարկը ներկայացրեց ԱԺ պատգամավոր Գագիկ Մինասյանը ու վստահեցրեց, որ նրանց դժգոհությունները «Արտոնագրային վճարների մասին» օրենքի փոփոխությունների վերաբերյալ տեղին չէ:
Միաժամանակ, պատգամավորն ասաց, որ օրենքում շտկման անհրաժեշտություն կա. «Մենք հարցրել ենք՝ ընդունո՞ւմ են, որ արտոնագրային վճարով իրականացվող հարկումն ավելի նպատակահարմար է իրենց համար, քան շահութահարկովը, իրենք ընդունեցին՝ այո: Շտկումներ կլինեն, եւ դա աշխատանքն է, որի արդյունքը մոտ ապագայում ակնհայտ կդառնա»:
Նշենք, որ օրենսդրական վերջին փոփոխությունների համաձայն, ատամնաբուժարանում տեղադրված ամեն ատամնաբուժական բազկաթոռի համար սահմանված է Երեւանում 80 հազար, մարզերում՝ 57 հազար դրամ, բայց լրացուցիչ ծառայությունների դիմաց եւս գանձվում են արտոնագրային վճարներ։
Արփինե ՍԻՄՈՆՅԱՆ
Կարդացեք նաև
