Հունվարի 26-ին ՀՀ նախագահ, նախագահի թեկնածու Սերժ Սարգսյանի Գոշ այցելության ժամանակ գյուղի փողոցներում տեղադրված էին «Դեպի ապահով Հայաստան» կարգախոսով դրոշակներ: Նման դրոշակ էր տեղադրված նաեւ գյուղի մուտքի ցուցանակի վրա:
Գոշի «Վերին թաղում» սողանքային գոտում է գտնվում 68 առանձնատուն: 2012թ. պետական բյուջեից սողանքի առավել վտանգավոր գոտում գտնվող 7 տների տերերին 12-17 հազար դոլարին համարժեք դրամի աջակցություն է ցուցաբերվել: Այդ գումարներով սողանքից վնասված տների տերերը գյուղում տներ են գնել:
Գոշի գյուղապետ Գեւորգ Ամիրխանյանից տեղեկացանք, որ սողանքային գոտում գտնվող եւս 5 տների տերերին այս տարի պետական բյուջեից դրամական աջակցություն է տրվելու:
Կարդացեք նաև
Ոսկան ՍԱՐԳՍՅԱՆ
