Հատված ՀՀ գյուղատնտեսության նախկին նախարար Դավիթ Զադոյանի հետ հարցազրույցից:
– Պարոն Զադոյան, Դուք եղել եք Հրանտ Բագրատյանի կառավարության անդամ, ինչպե՞ս եք վերաբերվում նրա թեկնածության առաջադրմանը նախագահական ընտրություններում, արդյոք որևէ կերպ աջակցելո՞ւ եք նրան:
– Ես Հրանտ Բագրատյանին շատ եմ հարգում և գտնում եմ, որ ինքն իրոք արդեն պատրաստ է նախագահ դառնալու, բայց գիտեմ, որ շատ դժվար է լինելու, և չի կարողանա հաղթահարել այդ արգելքը:
– Ինչո՞ւ չի կարողանա:
Կարդացեք նաև
– Որովհետև այդքան ձայն չի հավաքի: Չգիտես` ինչու, մեր ժողովուրդը փոքր միջադեպերը շատ լավ հիշում է, իսկ լավ արած գործը` մոռանում: Որին խոսեցնում ես, բոլորին թվում է, թե սեփականաշնորհումը, որն արեց Հրանտը, բոլորիս պատժեց, այնինչ պետք է ընդունեն՝ որպես դրական քայլ, բայց չեն ընդունում: Եվ երկրորդը` անընդհատ հիշում են, որ ասաց` «կովերի ամուսին» կամ «Մարլբորո եմ ծխում, որովհետև երեքաստղանի հյուրանոցում եմ ապրում». ճղճիմ բաները մեր ժողովրդի մեջ ավելի լավ են նստում, քան լավ գործերը:
– Իսկ, ընդհանրապես, գործող նախագահ Սերժ Սարգսյանի մյուս երեք հիմնական մրցակիցներից` Րաֆֆի Հովհաննիսյան, Հրանտ Բագրատյան և Պարույր Հայրիկյան, ըստ Ձեզ, ո՞վ ավելի մեծ հնարավորություններ ունի, և արդյոք հնարավոր համարո՞ւմ եք ընտրությունների երկրորդ փուլի անցկացումը:
– Բացարձակապես ո՛չ, երկրորդ փուլ չի լինի, Սերժ Սարգսյանը միանգամից կանցնի և 63-ից մինչև 72 տոկոսի արանքում կկանգնի: Գտնում եմ, որ այս պահին դա նորմալ է:
– Իսկ ի՞նչ առումով է նորմալ:
– Սերժն այդ փորձն ունի, Սերժն աշխատել գիտի, աշխատելու է նորմալ: Եվ եթե հարցնեք, թե ո՞ւմ եմ իմ ձայնը տալու այս ընտրություններին, ապա իմ ձայնը տալու եմ Սերժ Սարգսյանին, որովհետև ես եղել եմ Հանրապետական կուսակցության անդամ: Հիմա պարզապես տարիքից ելնելով` այլևս կուսակցական չեմ, և ես ձայնս տալու եմ Սերժ Սարգսյանին:
Արամ ՍԱՐԳՍՅԱՆ
«168 ժամ»
Պատահական չի, որ գյուղի վիճակը ավելի վատ է, քան աղետալին: