Aravot.am-ը 22.10.2012թ-ին տեղեկացրել էր «Ռոյալ» տաքսի ծառայության գրասենյակում տեղի ունեցած ծեծկռտուքի մասին:
Ըստ նախնական տեղեկատվության, Ավան վարչական շրջանի Նարեկացի 42 շենքի բնակիչ 35-ամյա Արթուր Խաչատրյանը մուտք էր գործել «Ռոյալ» տաքսի ծառայության գրասենյակ, որպեսզի նույն տաքսի ծառայության վարորդ Գոռ Պետրոսյանից պահանջի իր պարտքը: Այն կազմել էր երեք միլիոն դրամ:
Մեղադրանքի կողմի պնդմամբ, Արթուր Խաչատրյանը վեճի ժամանակ ձեռքերով հարվածել էր պարտքատեր վարորդին ` վերջինիս առողջությանը դիտավորությամբ պատճառվել էր միջին ծանրության վնաս` առողջության տեւական քայքայումով: Անցյալ տարվա հոկտեմբերի 19-ից քրեական գործը գտնվում էր Ավան եւ Նոր-Նորք վարչական շրջանների ընդհանուր իրավասության առաջին ատյանի դատարանի վարույթում:
Արթուր Խաչատրյանի պաշտպան, ՀՀ փաստաբանների պալաըի անդամ Լիպարիտ Սիմոնյանը քիչ առաջ տեղեկացրեց, որ երեկ Երեւանի Ավան եւ Նոր-Նորք վարչական շրջանների ընդհանուր իրավասության դատարանը /դատավոր Արմեն Վարդապետյան/ Արթուր Խաչատրյանին ՀՀ քրեական օրենսգրքի 113-րդ հոդվածի 1-ին մասով առաջադրված մեղադրանքում/դիտավորությամբ միջին ծանրության վնաս պատճառել/ ճանաչեց անմեղ եւ արդարացրեց:
Կարդացեք նաև
Ռուզան ՄԻՆԱՍՅԱՆ
