«Հիմա Դուք ինձ հարցնում եք իշխանության ոչ ադեկվատ դրսևորումներից մեկի մասին: Իմ տեսակետից՝ բա ի՞նչ աներ»,-Aravot.am-ի հարցին` արդյոք հիմնավորվա՞ծ էր Գալուստ Սահակյանի այն դիրքորոշումը, թե արտագաղթն «իրեն չի վախեցնում և որևէ տեղից մանանաներ չեն թափվում», այսպես պատասխանեց «Նոր ժամանակներ» կուսակցության նախագահ Արամ Կարապետյանը:
Խնդիրն ավելի ընդհանուր դիտարկելով` պարոն Կարապետյանը նշեց. «ՀՀ իշխանությունն ունի հարցերի հետ կապված ոչ ադեկվատ վերաբերմունք: Դա ոչ թե գալիս է նրանից, որ մարդիկ են ցինիկ ու վատը, այլ այսօրվա իշխանությունը չգիտի` ինչ անի: Ամբողջությամբ քանդվել է նրա քաղաքականությունը: Կամ պիտի ընդունել, ասել, որ շատ վատ ընտրություններ անցկացվեցին, որի արդյունքում ձևավորվեց իշխանություն, որ բանի պետք չէ և նոր քայլեր են անհրաժեշտ անել, կամ պիտի պահեն իրենց այնպես, ինչպես պահում են. ամեն ինչ բարդել հասարակության վրա: Սա ռուսերեն ասում են с особым цинизмом: Կարծում եմ, որ սա լավ վերջաբան չի ունենալու: Գալու է պահը, երբ պատասխան են տալու»:
Հետաքրքրվեցինք` մի՞թե նման հայտարարություններ անելիս Գ. Սահակյանը չէր մտածում այդ պատասխանի պահի մասին: Ա. Կարապետյանը պատասխանեց. «Միայն ոչ ադեկվատ վիճակում գտնվող մարդը կարող է ինքն իրեն ընդդիմություն հռչակել: Դա քաղաքականության մեջ երկփեղկվածություն, շիզոֆրենիա է կոչվում: Գ. Սահակյանի ասածը դառնում է քաղաքական շիզոֆրենիայի դրսևորումներից մեկը»:
Կարդացեք նաև
Տաթև ՀԱՐՈՒԹՅՈՒՆՅԱՆ
Քաղաքական շիզոֆրենիան մեզանում վաղուց հաստատաված կատեգորիա է`ցավոք: