ՀՀ սահմանադրական դատարանի նախագահ, իրավագիտության դոկտոր, պրոֆեսոր Գագիկ Հարությունյանի նախաձեռնությամբ Երեւանում անգլերեն լեզվով, Երկու հազար տպաքանակով, լույս է տեսել «Նոր հազարամյակի սահմանադրականությունը. Իրականության պարադիգմաները եւ մարտահրավերները» գիրքը:
ՀՀ ՍԴ-ն տեղեկացնում է, որ գիրքը բացառիկ է նաեւ այն իմաստով, որ ընդգրկում է համաշխարհային ճանաչում ունեցած սահմանադրագետների` չափազանց հրատապ հարցադրումներ ու վերլուծություններ ներկայացնող հոդվածներ:
Եվրոպայի խորհրդի նախարարների կոմիտեում ՀՀ նախագահության շրջանակներում անցկացվող Երեւանյան համաեվրոպական խորհրդաժողովի վերջին օրը` հուլիսի 5-ին, Հայաստանի Ազգային պատկերասրահի Միջնադարի սրահում կայացել է գրքի շնորհանդեսը` աշխարհի տարբեր երկրներից համաժողովի` ութսունից ավել պատվիրակների ներկայությամբ:
Գագիկ Հարությունյանը կարեւորել է գրքի ստեղծման անհրաժեշտությունը, ներկայացրել 15 երկրներից ներգրավված 23 համահեղինակներին, ովքեր համաշխարհային իրավական մտքի երախտավորներ են, արժեւորել նրանց մեծ ներդումը: Գրքի 1000 կուղարկվի մոտ 100 երկրների գրադարաններ ու իրավական կենտրոններ:
Կարդացեք նաև
