galatv.am․ Արգիշտի Կիվիրյանին արդեն ազատ են արձակել և այսօր Բաղրամյան պողոտայում տեղի ունեցած միջադեպի վերաբերյալ ինչ-որ վարույթ են կազմել, որին Կիվիրյանը հրաժարվել է ծանոթանալ: Այդ մասին ԳԱԼԱ-ի հետ զրույցում տեղեկացրել է Արգիշտի Կիվիրյանը:
«Ես այնտեղ հայտարարություն եմ արել, որ ես որպես «Armtoday» կայքի գլխավոր խմբագիր կանգնած եմ եղել բաժնի մոտ և իրականացրել եմ իմ մասնագիտական գործունեությունը: Ընդունենք հստակ ծանուցագիր էր, ես էլ հրաժարվեցի ստանալ, գոյություն ունի օրենք, գնա քո համար արձանագրություն կազմի, ոչ մի տեղ գրած չի, որ մարդուն ծանուցագիր չստանալու համար ձեռքերը կապտացնելով քարշ են տալիս բաժին: Սա իմ նկատմամբ քաղաքական հետապնդում են գնահատում՝ կապված իմ մասնագիտական գործունեության հետ: Իմ նկատմամբ իրականացվել է բռնություն, և ես պահանջել եմ, որպեսզի իմ նկատմամբ բռնություն կիրառած մարդկանց ենթարկեն պատասխանատվության: Այսօր տասը հոգու Բաղրամյանից տարել էին ոստիկանություն, ես էլ եղել եմ այնտեղ, բայց հետո ինչ որ եղել եմ, նշանակում է ինձ հետ այդպե՞ս պետք է վարվեն: Սկզբից գան ասեն՝ մի պահ զրուցենք, մի պահ բաժին արի, հետո քարշ տալով տանեն. սրանից էն կողմ էլ ինչ անեն, ոստիկանական ռեժիմ որ ասում են, սա է, մնում է կաբինետներում գնդակահարեն»,- ասել է Արգիշտի Կիվիրյանը:
Մանրամասները՝ ԳԱԼԱ-ի կայքում:
