Սույն թվականի նոյեմբերի 28-ին Հայաստան Համահայկական Հիմնադրամը իրականացնելու է իր տարեկան դրամահավաքի հեռուստամարաթոնը:
Այս անգամ եւս դրամահավաքի հասցեատերն Արցախն է. կառուցվելու է Վարդենիս-Մարտակերտ ռազմավարական ճանապարհը:
Անցյալ տարի հայության համախումբ ջանքերով կարեւոր քայլ կատարվեց հերոսական արցախահայության կեցության պայմանները բարելավելու ուղղությամբ, այսօր սկսվում է ԼՂՀ եւ Հայաստանի Հանրապետության անվտանգության համար խիստ անհրաժեշտ ծրագրի օժանդակությունը: Այս ճանապարհի կառուցումն ամենամեծ երաշխիքն է հանդիսանալու մեր հայրենիքի արեւելյան ազատագրված տարածքների անքակտելի միասնության ապահովման համար: Մեր զավակները իրենց արյամբ ազատագրեցին հայրենիքի այս հատվածը© մենք այդ ճանապարհը կառուցելով պետք է վերջնականորեն ամրագրենք ազատագրումը£
Հերթական առիթն է համայն հայության համար, ցուցադրելու միասնականությունն ու համախմբումը մեր ազգային նպատակները քայլ առ քայլ իրականացնելու երկար ճանապարհին:
Առ այդ, կոչ ենք ուղղում բոլոր ազնիվ հայորդիներին` առատաձեռն կերպով մասնակցելու համահայկական այս դրամահավաքին, օժանդակելու հեռուստամարաթոնի կազմակերպմանն ու քարոզչությանը:
Արցախի միջազգային ճանաչման գործընթացը իր հաղթական ավարտին կարող է մոտենալ նաեւ նման համախումբ ուժի գործնական ցուցադրության ճանապարհով:
Հաջողության եւ հաղթանակի վստահությամբ£
Հայ Յեղափոխական Դաշնակցության
բյուրո
Հիշեք նաև Գյումրու 4500 տնակաբնակ կամ ավելի ճիշտ անօդևան ընտանիքների մասին: Հետո ինչ,
որ Գյումրին նախագահական ընտրություններ կոչվող խեղկատակության ժամանակ ձեռնպահ մնաց:
Դրանից ի՞նչ փոխվեց, միևնույնն է ինչքան ուզեցին,՝ այնքան էլ խփեցին: Գոնե լրիվ մի դառեք՝ օեկ: