Aravot.am-ի հետ զրույցում «Ժառանգություն» կուսակցության փոխնախագահ Արմեն Մարտիրոսյանը, անդրադառնալով Վարդան Պետրոսյանի դեպքին, եւ դիտարկմանը, թե դերասանը Ֆրանսիայից եկել ու «Ժառանգություն» կուսակցության առաջնորդ Րաֆֆի Հովհաննիսյանին Ազատության հրապարակում զորակցում էր իր հումորներով ու երգերով, զբաղեցնում եւ մթնոլորտ էր ստեղծում, երբ վերջինը հացադուլի մեջ էր, իսկ այժմ, երբ ինքն է նեղության մեջ, Րաֆֆի Հովհաննիսյանը նրան չի այցելել, ասաց. «Րաֆֆի Հովհաննիսյանը երկու շաբաթից ավելի է՝ Հայաստանում չէ, ուստի եւ չէր կարող աջակցել Վարդան Պետրոսյանին այն ձեւով, ինչպես, որ պատկերացնում եք: Դա տեխնիկական խնդիր է: Իսկ «Ժառանգության» անդամները նրան աջակցում են, օրինակ` ես, իմ ստատուսներն էլ տեսեք Ֆեյսբուքում, Ստյոպա Սաֆարյանը, Անահիտ Բախշյանը, մենք բոլորս աջակցում ենք նրան: Բացի այդ՝ Րաֆֆի Հովհաննիսյանի հետ կապված այդ փաստը անիմաստ շահարկվում է»:
Եվա ՀԱԿՈԲՅԱՆ
Րաֆֆիից այլ բան չէր էլ կարելի սպասել:Ինչ է նշանակում՝ հանրապետությունում չէր:Ինտերնետի այս դարում ի՞նչ կարևոր է, թե դու ուր ես:Բոլորն էլ իրենց խոսքն ինտերնետով էին ասում, հո չէին այցելում Վարդանին ու նոր ստատուս գրում:Ծիծաղելի է: Րաֆֆիին պաշտպանելու պրիմիտիվ միջոց:Մի բան եմ ուզում ճշտել պարոն Արմենից՝ իրո՞ք ինքն այդքան շատ է հավատում Րաֆիին, թե ուրիշ ճար չունի՝ պաշտպանել է պետք: