Tert.am. Ազատամարտիկ, Շուշիի առանձնակի գումարտակի հրամանատար, Նախախորհրդարանի նախագահության անդամ Ժիրայր Սեֆիլյանը գտնում է, որ Հայաստանի կողմից Արցախի ճանաչման հարցը երկրում այսօր իշխող քաղաքական ռեժիմի օրոք բարձրաձայնելն ու ինչ-որ բան ակնկալելն անիմաստ է:
«Ես ներկայացնում եմ այն քաղաքական ուժը, որի դիրքորոշումն Արցախի հարցում շատ հստակ է, այն է` Արցախն այսօրվա փաստացի սահմաններով դե յուրե պետք է միավորվի Հայաստանին: Մենք այսօր էլ, ըստ էության, փաստացի ընդունում ենք, որ մեկ երկրում ենք ապրում, չկա երկու պետություն: Իսկ այդ մասին այսօր բարձրաձայնելն այս ռեժիմի օրոք ես նպատակահարմար չեմ գտնում, ավելի լուրջ գործերով պետք է զբաղվենք, որովհետև այս ռեժիմի օրոք այդպիսի լուրջ հարցեր բարձրաձայնել և առավել ևս ինչ-որ բաներ ակնկալելն անիմաստ է»,-Tert.am-ի հետ զրույցում ասել է նա՝ նկատի ունենալով իրողությունը, որ անցած շաբաթ ԱԺ-ն մերժեց Հայաստանի կողմից ԼՂՀ ճանաչման մասին «Ժառանգություն» խմբակցության ներկայացրած նախագիծը:
Ժիրայր Սեֆիլյանը հարցրեց, թե որտեղ է բարձրացվում այդ հարցը, և արդյո՞ք դա Ազգային ժողով է, և հենց ինքն էլ պատասխանեց. «Դա Ազգային ժողով չէ, դա մեծ մասամբ հանցագործների համախումբ է, այդ մարդիկ, որոնք զբաղեցնում են այդ աթոռները, մեր ժողովրդի հետ կապ չունեն, նրանք կտրված են իրականությունից, մեր ժողովրդի իղձերից, նպատակներից, դրանք բոլորը ծառայում են կեղեքող համակարգին: Այդ մարդկանց ամբիոնից այսպիսի լուրջ հարցեր բարձրաձայնելը ես անիմաստ եմ համարում»:
Նյութն ամբողջությամբ կարող եք կարդալ սկզբնաղբյուր կայքում:
Այն որ մեր Ազգային ժողովը, դա մեծ մասամբ հանցագործների համախումբ է՛չհամաձայնվելը դժվար է։ Իսկ ինչ վերաբերվում է Արցախին, դա շատ վտանգավոր մոտեցում է։ Պատկերացնելն անգամ դժվար է, թէ ինչպիսի շարունակություն կունենա այդ գործընթացը։ Եկեք անկեղծ լինենք ինքներս մեր նկատմամբ՛ աշխարհը մեզ ընդունում է ինչպես ագրեսորի, որը գրավել է ադրբեջանի քսան տոկոսը։ Արցախի միավորումը Հայաստանին, մեր երկու հարևաններին կտա հնարավորություն գործելու։ Իսկ ինչ երաշխիք, որ հզորները այդ թվում “մեծ եղբայրը” կմիջամտեն և կսանձեն Թուրքիայի և ադրբեջանի «օրինական ցանկությանը» ետ վերադարձնելու գրավյալ հողերը։