«Միևնույն է, հանձնաժողովի աշխատանքը շահարկվելու է քաղաքական ուժերի կողմից, դրա համար դրա արդյունավետությունը չեմ տեսնում»,- այսօր խորհրդարանական ճեպազրույցներում անդրադառնալով «գազի հարցով» ժամանակավոր խորհրդարանական հանձնաժողով ստեղծելու հարցին՝ ասաց ԱԺ ՀՀԿ խմբակցության նախագահ Գալուստ Սահակյանը`հավելելով. «Հենց այնպես խորհրդարանական հանձնաժողով չի ստեղծվի, դա պետք է հասարակական պահանջ դառնա»:
Ճեպազրույցներում ՀԱԿ խմբակցության ղեկավար Լեւոն Զուրաբյանն ասել էր, որ ժամանակավոր հանձնաժողով ստեղծելու իշխանությունների խոսքերը հավատ չեն ներշնչում: Լրագրողների այդ հիշեցմանը Գալուստ Սահակյանը պատասխանեց. «Այդ խմբակցությունը՝ ՀԱԿ-ը, կարծես թե ընտրություններից հետո մեկ պատուհանի սկզբունքով չի աշխատում: Ինձ համար Արամի մոտեցումներն են ընդունելի: Նա խոսում է այն ամենի մասին, ինչին հավատում է ինքը: Մյուսները փորձում են շահարկումների դաշտ մտնել և դիվիդենդներ շահել: Ինձ համար Արամի խոսքն ընդունելի չէ, բայց կարծում եմ՝ ազնիվ է»:
ՀՀԿ խմբակցության ղեկավարը նաև անդրադարձավ կենսաթոշակային կուտակային համակարգի դեմ տարվող պայքարին. «Ովքեր պատվիրված են, քաղաքական դաշտ են մտնում, բայց այն երիտասարդները, ովքեր նոր են դաշտում, բարեկիրթ են, արդեն երևում են քաղաքացիական հասարակությանը բնորոշ որոշակի ծիլեր: Ես ուրախանում եմ, որովհետև պետությունը զորանում է դրանից»:
Հարցին, թե 7 տոկոս տնտեսական աճ չապահովելու համար կառավարությունը հրաժարական կտա՞, Գալուստ Սահակյանը պատասխանեց. «Եթե տեսնենք հնարավոր է եղել, բայց չի ապահովել, այստեղ այլ խոսակցություն կլինի»:
Կարդացեք նաև
Ի դեպ, ՀՀԿ խմբակցության ղեկավարը պատասխանելով լրագրողներից մեկի հարցին` եթե ժողովուրդը դուրս գա փողոց, ապա իշխանություններից ամենամեծ կտորը ո՞րը կմնա`ասաց. «Ամաչում եմ ասեմ»:
Լրագրողների բուռն ծիծաղից հետո, Սահակյանը պարզաբանեց. «Գեշ հարց էր»:
Նելլի ԳՐԻԳՈՐՅԱՆ
Գալուստ Սահակյանի ,,ամո’թն,, էլ` իր ննան անամոթ է…
Ես էլ վերնագիրը կարդացի ու քիչ էր մնում հավատայի: