Կիևում կրկին բախումներ են տեղի ունեցել ցուցարարների և ոստիկանության միջև: Ինչպես գրում է «Կիև Փոստ»-ը, հազարավոր ցուցարարներ երթ էին անում դեպի խորհրդարան, քանի որ Ռադայում պետք է քննարկվեր ընդդիմության պահանջով 2004 թ. սահմանադրությանը վերադառնալու և նոր կառավարություն նշանակելու հարցերը: Սակայն խորհրդարանում չէին ցանկացել գրանցել սահմանադրության հարցը, իսկ ոստիկանությունը փակել էր ցուցարարների ճանապարհը:
Իրավապահները արցունքաբեր գազ և խլացնող նռնակներ են օգտագործել ցուցարարների դեմ, որոնք պատասխանել են մահակներով, քարերով և պայթուցիկներով:
Առնվազն մեկ ցուցարար լուրջ վնասվածք է ստացել, նրան դեպքի վայրից հեռացրել են գլխի արյունահոսությամբ:
«Ինտերֆաքս»-ի փոխանցմամբ, ՆԳՆ-ից հայտնել են, որ տուժել է երեք ոստիկան, նրանք մարմնական վնասվածքներ են ստացել:
Կարդացեք նաև
Կիևում կարծես թե իրավիճակը հանդարտանում էր, երբ համաներման մասին օրենքի ուժի մեջ մտնելուց հետո ընդդիմությունը սկսեց ազատել գրաված շենքերը և բացել Հրուշևսկու փողոցը:
Պատրաստեց Հովհաննես ԻՇԽԱՆՅԱՆԸ
