Ուկրաինայի իշխանությունները պատրաստ են քննարկել տարածաշրջանների ինքնավարության ընդլայնումը, հայտարարել է հանրապետության Արտաքին գործերի նախարարի պաշտոնակատար Անդրեյ Դեշչիցան. հաղորդում է՝ ИНТЕРФАКС-ը:
«Մենք կարծում ենք, առանց այդ էլ նրանք բավականաչափ ինքնավարություն ունեն, բայց եթե ցանկանում են մեծացնել իրենց իրավունքների ու լիազորությունների շրջանակը, ապա պատրաստ ենք նրանց այդպիսի հնարավորություն տալ: Միակ բանը, որ անհրաժեշտ է մեզ, դա բանակցությունների սեղանի շուրջ նստելն ու այդ հարցերը քննարկելն է»,- այսօր Կիեւում Բելգիայի, Նիդերլանդների եւ Լյուքսեմբուրգի արտաքին գործերի նախարարների հետ կայացած հանդիպման արդյունքներին նվիրված ճեպազրույցում հայտարարել է Անդրեյ Դեշչիցան՝ հավելելով, որ Ուկրաինայում ազգային փոքրամասնություններն ունեն պատշաճ իրավունքներ:
Նրա խոսքով՝ Կիեւը պատրաստ է քննարկել նրանց իրավունքների պաշտպանության հարցը, այդ թվում՝ այնպիսի միջազգային կազմակերպությունների հետ, ինչպես Եվրոպայի խորհուրդն է, կամ ԵԱՀԿ-ն:
Եվա ՀԱԿՈԲՅԱՆ
