ՄԱԿ-ի գլխավոր քարտուղար Պան Գի Մունը մտահոգություն է հայտնել Քեսաբի
վերաբերյալ տարածված լուրերի մեջ գոյություն ունեցող մահապատիժների
սարսափելի տեսարանների առնչությամբ:
«Հակառակ նրան, որ ՄԱԿ-ը չի կարող ստուգել հաղորդվող վայրագությունների
իսկությունը, սակայն մարդու իրավունքների նկատմամբ աճող բռնությունները
անհերքելիորեն շարունակվում են, և ամբողջ գյուղերի բնակիչները, ինչպես`
օրինակ, Քեսաբում, ստիպված են փախչել»,-ասված է ՄԱԿ-ի հաղորդագրության մեջ:
Պան Գի Մունը նշում է, որ Սիրիայի կառավարական ուժերը շարունակում են
ամբողջ թաղամասեր ավերել: ՄԱԿ-ի գլխավոր քարտուղարը նաև մտահոգություն է
հայտնում, որ կազմակերպության կողմից ահաբեկչական նկատված խմբավորումները
շարունակում են վայրագաբար հարձակվել քաղաքային բնակչության վրա:
Պան Գի Մունը մտահոգիչ է նկատում Սիրիայում շարունակվող տագնապի ընթացքի
վայրագությունների վերաբերյալ հաղորդագրությունները և կոչ արել հակամարտող
կողմերին և նրանց աջակիցներին պաշտպանելու քաղաքացիներին` անկախ նրանց
կրոնական, համայնքային և ազգային պատկանելության:
Կարդացեք նաև
«Թե՛ Սիրիայի կառավարությունը, թե՛ զինյալ խմբավորումները իրավական և
բարոյական պատասխանատվություն ունեն այդ անելու: Նրանք պետք է անեն
հնարավորինս` խուսափելու և կանխարգելելու բռնությունները քաղաքացիների
նկատմամբ, ներառյալ` հրետակոծումներն ու օդային հարվածները քաղաքային
տարածքների մեջ»,-ասել է նա:
իսկապես՞, խոսել է հա՞… ինչ երջանկություն