ԱՄՆ Պետդեպարտամենտի 2013թ. «Աշխարհի երկրներում ահաբեկչության մասին զեկույց»-ում, որը հրապարակվել է ապրիլի 30-ին, ասվում է, որ գրոհայինները Թուրքիայի տարածքն օգտագործում են որպես տրանզիտ գոտի:
«Սիրիայում շարունակվող հակամարտության պատճառով Թուրքիան իր մտահոգությունն է հայտնել իր սահմանի մոտ ահաբեկչական խմբավորումների աճի կապակցությամբ: Այդ խմբավորումներից են՝ «Ալ-Քաիդա»-ի «Իրաքի և Լևանտի իսլամական պետություն (ԻԼԻՊ)»-ը և «Ալ-Նուսրա ճակատը»: Սիրիայում այս կամ այն խմբավորումներին միանալ ցանկացող զինյալների համար Թուրքիան հաճախ օգտագործվում է որպես տրանզիտ երկիր»:
Ըստ զեկույցի, աշխարհի տարբեր ծայրերից հազարավոր մարդիկ են մեկնել Սիրիա՝ կառավարական զորքերի դեմ կռվելու, այդ թվում՝ Մերձավոր Արևելքից, Հյուսիսային Աֆրիկայից, Միջին Ասիայից և Արևելյան ու Արևմտյան Եվրոպայից: Այդ մարդիկ միանում են ծայրահեղականներին, այդ թվում՝ «Ալ-Նուսրա»-ին և «ԻԼԻՊ»-ին: Զեկույցում նշված է, որ մի շարք երկրներ անհանգստացած են, որ իրենց քաղաքացիներն այդ խմբավորումներում փորձ ձեռք բերելով՝ կարող են վերադառնալ և ահաբեկչական գործողություններ կատարել:
Ադրբեջանի և Վրաստանի մասով, զեկույցում ասվում է, որ այդ երկրները շարունակում են ԱՄՆ-ի հետ ակտիվ պայքարել ահաբեկչության դեմ:
Կարդացեք նաև
Պետդեպի զեկույցում Հայաստանի հետ կապված հիշատակում չկա:
Պատրաստեց Հովհաննես ԻՇԽԱՆՅԱՆԸ
